Suugaanta intaan baranayay G-Jacbur

• Suugaanta intaan tirinayee boqol iyo dheeraada.

• Dadku waxay umoodaan inaan meel ka soo xadaye.

• Ana kama dhagaystee murtida wayska qubayaaye.

• hadaan layga cabanayn saqdhexe wayska tirinlaaye.

• hadaan lagu wareerayn waqay wayska shubi laaye.

• hayeeshee cidii waalanbaan hadalku deeqayne.

• ma dhagoole yaalbaa murtida like ma dhahayaane.

• Murti weeye goo go'an waxaad hadalka moodeene.

• Idinkoo dhagaystaa ka roon inaad ka yaacdaane.

• Maxaa wacay waxaan moodayaa inaad saluugteene.

• Markaasaan midii ugu ba'nayd soo ban dhigayaaye.

• iibsada dantiinaa ku xiran inaad khasaartaane.

• Intiinii carootana waa inay Comments keentaaye.

• Maxaayeelay waxaan moodayaa inaad maqsuudeen.

• markaasaan qaarkii wacnaa meel fog dhigayaaye.

• Abwaannimada intaan baranayee lacagta dhiibaayay.

• Hadaan geel yar iibsado waqay badar ma waayeene.

• Xildhibaan miyaan ahay dadkani ima maqlaayaane.

• Qabiil kale miyaan ahay marnaba ima bogaadsheene.

• Gabaygayga ruuxii xiftiya ama xariir mooda.

• Maqaadiir inay tahay durbaba waa la soo wiciye.

• Kolkaasuu beenbeen ku caban biisibaan ahaye.

• Sheergareeya intaan laydin odhan inanka reerkeene.

• Hadii kale waxaan moodayaa inaad layaabteen.

• Maskax iyo muqurbaa ku baxay waxaad arkaysaane.

• PC la soo gaday ayaa lagu habeeyaaye

• OS speed sare leh baa lagu aqoolaaye

• AC iyo aalado kalaa eegan ii shidane

• Storage iyo wuxuu soo maraa agabka RAMkaahe.

• Markaasaad waxaad leedihiin dacar un weeyaane.

• Miyaydnaan xishoonayn anigu maahirbaan ahaye.

• Suugaanta kolkii lala tagee duurka lala aaday.

• Dal shisheeye in laga iibiyay ula ordaayeene.

• Anigaa ka soo riday kuwii miijiyoo labaye.

• Anigaa ka soo furay halkii ay ku dilayeene.

• Aaawaye Rageedii dadkani ima bogaadshaane.

• ma ogtiin abwaan gibina iyo laashinbaan ahaye.

• Sanbug iyo Sugaal baan lahaa way ku soo wicine.

• Ina Booskii bari jiray asaga baaqi maan arage. ( Abdi Ali Boss)

• Hadraawi iyo Qaysbaan lahaa farax hayaabeene.

• war miyay gaboobeen raganii ima bogaadshaane.

• Tinaarkeeni muufada kalkuu tuugu jabinaayay.

• Ee taangiga shisheeyuhu dulmaray qaar la garanaayo.

• Ee dhuxushi intay naga gateen nagu canaanteen.

• Wasiirkeena Bay'adu markiba waa isagii naxaye.

• Ma ogtiin anigaa ku iri waryaa yaan warkaagine.

• Ma muwaadinbaan ahay maxaan hadal kudheeraaday.

• Afartaas qaloocshaye waxaan qalad uraacsiiyay.

• Qoladaas beesha caalamkee nala qaraabowday.

• Qabiiladooda yaa ii kala yaqaan waa rag noo wacane.

• Alaabooyin markay keenayaan ama wasiir beeca.

• Ordoo celiyaan oron lahaa ninkani waa gadayaaye.

• Oo anagays dilaynee idinku buuqa naga daaye.

• Carab laga xanaajiyay waa inay carootaaye.

• Ayagaa na maagaye anagu maba haruufayne.

• BBCda Markaan ugu wacnay madax wareereene.

• Hada maxaan ka yeelaa waxani maba tagaayaane.

• Ama idinku anaa garanayee aniga iidaaye.

• Hadiinaan ku daalayn murtida wayska wadi laaye.

• hayeeshee inay iga xigtaan yaan ka baqayaaye.

• Idinkuna inaad igu nacdeen wayska filayaaye.

• Halkaasaan ku meelaynayaa Gabaygi buuraa dheh!!

By Yassin Sh Nor