Illahow Amuurteena Sahal

---

• Indhawaydba siinlay matirin sawdki maansada,e.

• Ma samayn Cabdow waayadaan suubantii gabaye. Cabdi=(C/kariin X Barseeye)

• Inaan salalo mooyee murtidi kuma sifaadayne.

• Saabkayga laabtiyo afkaan qabin su aashaase.

• Halkii aan ka seeraarinjiray subaxna maahayne.

• Hayeeshee xalaytaa saq shexe sowlax ii baxaye.

• Aan sifeeyo caawoo kaluu saami galayaaye

• Afartaa sifeeyaye waxaan siinka ugu laabtay.

• Soomaalaay waxaad sahashataa saatan kuu galay.

• Safafkii qabiilkee ku baday silica maantaah.

• Saldana kalkaad moodaybuu suulay magiciiye.

• Saqiirada kolkaad gawracdad seegtay marinkiiye.

• Sokeeyaha kolkaad laysayee laysku socon waayay.

• Sagalkii colaadiyo kolkaad xumaha saanyootay.

• Soohdimaha kolkaad yeelatee laydin kala siibay.

• Qabqablaha siloon iyo kufriga kugu sidaynaaya.

• Kolkaan sama ka dhawrwrtaa walee laydin suuxiyay.

• Afartaa sifeeyaye waxaan siinka ugu laabtay.

• Seeduhu waxay kugu go,een sahal iyo dheeldheel

• Cidi kuma surgoynine adaa suudiga iswaraye.

• Saancadaaga adaa gacashadoo saaxir aaminaye.

• Sidkahaagi adaa gawracoo sayray caanihiye.

• Subaggiyo karuurkiyo adaa qubay saliidii.

• Sun iyo dacar adaa qalamsadoo galiyay saabkii.

• Suufkiyo dhibaatada adaa saanyadoo rabay.

• Suuqyo laysku baayaco adaa suray dalkaagii.

• Maxaa laysku seegaa dalkii waa la saanyade

• Afartaa sifeeyaye waxaan siinka ugu laabtay.

• Dadkayagu siduu yahay hadaad saaka dhugataan.

• Seefaha dhexdoodaa waqood kama sariigtaane.

• Shisheeyuhu siduu doonayay wada sameeyaane.

• Adaa naga sareeyay nin kale sacab tumaayaane.

• Adaa naga sareeyay nin kale ugu sujuudaane.

• Anaa kaa sareeyay kan xiga soorka daryaane.

• Sanhaabo beeniyo waxbaa lagu sumeeyaaye.

• Illaahow amuurteena sahal way na sidataaye

• Illaahow amuurteena sahal soohdimaa jira’e

• Adigaa waxaad saamaxdaa suura galayaane.

• Adigaa waxaad saamaxdaa sama dhalaayaane.

• Adigaa waxaad saamaxdaa salah fulaayane.

• Adigaa waxaad saamaxdaa sabab ubaahnayne.

• Adigaa waxaad saamxdaa sugid ka maarmaane.

• Adigaa waxaad saamaxdaa sare ahaadaane.

• Adigaa waxaad saamaxdaa saabil galahayne.

• Silic iyo dhibaato iyo khayr samiyo rayn rayn.

• Labadaba Adaa suubiyoon lagu suaalayne.

• Sareeyihi saareeyiyo Rabiyow sahal amuurteene.

• Illaahow amuurteena sahal waan sahwiyayaaye.

• Illaahow amuurteena sahal way siloontahaye.

• Illaahow amuurteena sahal sare naloo diidye.

• Illaahow amuurteena sahal saawir nala moodye.

• Ilaahow amuurteena sahal sarena noo qaad.

• Illaahow amuurteena sahal samana noo naadi.

• Illaahow amuurteena sahal saacad iyo goor.

• Illaahow amuurteena sahal suufku nagu raagye.

• Illaahow amuurteena sahal saabir baan nahaye.

• Illaahow amuurteena sahal laysku socon waaye.

• Illaahow amuurteena sahal sayre sharafkiiye.

• Illaahow amuurteena sahal silic dadkeeniiye.

• Illaahow amuurteena sahal wayna sabayaane.

• Illaahow amuurteena sahal wayna sirayaane.

• Illaahow amuurteena sahal siiro nala geeye.

• Illaahow amuurteena sahal nalaku soo soofye.

• Illaahow amuurteena sahal saancadaa yimide.

• Illaahow amuurteena sahal la ina seeteeye.

• Illaahow amuurteena sahal suuqa nala geeye.

• Illaahow amuurteena sahal siibe calankiiye.

• Illaahow amuurteena sahal sahayde ciidiiye.

• Illaahow amuurteena sahal soohdimaa jira,e.

• Illaahow amuurteena sahal layna kala soocye.

• Illaahow amuurteena sahal layna kala saarye.

• Illaahow amuurteena sahal layna wada siibye.

• Illaahow amuurteena sahal saatan waa halise

Dhamaad

by Yassin Sh Nor