A N I G U S O M A L I

S. Anigu S baan ahaa Calaamad saxaan ahaa Saldhig magac baan ahaa Dhaqan sugan baan lahaa.

Sanadahaan qabiiligaa Xirmadaan kala seerahaa Dagaalkan sokeeyahaa Dhibtaan ka subxaanaalee Maxaa ii galay sidaan.

O.

Anigu O baan ahaa Ogaal qaran baan ahaa Onkod roob baan ahaa Dhaxan ood baan ahaa Oori nabadaan ahaa.

Ololahaan kala dirkaa Omoskaan colaadahaa Odoroskaan baylahdaa Maxaa oomane I dhigay.

M.

Anigi M baa ahaa Magac jirey baan laha Maamuus qaran baan lahaa Ummad muslinaan lahaa. Meel kasta sharaf baan lahaa

Meer meerka wadiiqada Maalmahaan wada qayladaa Mixnaa intaa jirtee Maxaa oomane I dhigay.

A Anigu A baan ahaa Aqoonyahan baan lahaa Horyaal afrikaan ahaa AF iyo luqad baan lahaa.

L.

Anigu L baan aha Lixaad qaran baan lahaa Laf dhabarteenaan ahaa Dhig iyo look baan ahayn

Labadii gobanimada Luuliyo kowdeeda iyo Lixiyo labaatankii juun Israacii lagu hodmiyo Lamaanihii baan ahaa.

I.

Anigu I baan ahaa Ishii calankaan ahaa Irdihii nabadaan ahaa Isimiyo dhaqan baan lahaa.

Ibtiladaan guuraahaa Ifisadaan meel loo dayeyn Arimahaan yaabka badan Ilaahoow naga dul qaad.

by Cabdi Cali Boss